Kryetari i Aleancës për Ardhmërinë e Kosovës (AAK), Ramush Haradinaj, ka theksuar nevojën për një aeroport alternativ në Kosovë që do të mund të shërbejë për fluturime emergjente.

Ai ka theksuar se Kosova nuk mund të rrezikojë që udhëtarët e saj të hasin vështirësi, duke mos mundur të aterojnë në Aeroportin e Prishtinës dhe duke qenë të detyruar të aterojnë në Beograd apo Shkup.

Ai ka thënë se plani i tij është që të funksionalizojë Aeroportin e Gjakovës, shkruan Arbresh.info.

Postimi i plotë:

Kosova patjetër duhet ta ketë një aeroport alternativ për fluturime emergjente, në mënyrë që udhëtarët e saj të mos vijnë në situatë – që në pamundësi për të ateruar në Aeroportin e Prishtinës – të aterojnë në Beograd dhe Shkup.

Për këtë qëllim, ne do ta aftësojmë Aeroportin e Gjakovës, për të shërbyer si pikë strategjike për funksionalitetin e trafikut ajror. Kjo përshtatje do të arrihet me një investim të përballueshëm për buxhetin.

Angazhimi ynë për ta shndërruar këtë aset në një pikë të rëndësishme të infrastrukturës së sigurisë kombëtare është pjesë e vizionit të Kosovës Fituese./Arbresh.info